Сёлета спаўняецца 80 гадоў памяці Мітрапаліта Мінскага і Беларускага Мелхіседэка (1879-1931; Паеўскага). У сувязі з гэтым 17 мая бягучага года ў цэнтры Мінска на будынку былога архіерэйскага падвор’я (цяпер будынак Інстытута тэалогіі БДУ, пр-т Незалежнасці, 24) будзе ўстаноўлена бронзавая памятная дошка з барэльефам Мітрапаліта Мелхіседэка (скульптар Ганна Інькова). Продолжить чтение
Братства
Збор сродкаў на дошку Мітрапаліта Мелхіседэка
Калядная братчына
15 студзеня 2010 года ў брацкім доме “Кінанія” адбылася традыцыйная Калядная братчына. Напачатку іерэем Юрыем Залоскам — настаяцелем дамовай царквы ў гонар прп. Фёдара Астрожскага — адслужаны ўрачысты малебен з удзелам братчыкаў і гасцей. Калядныя канты праспяваў Брацкі хор. Затым з каляднай праграмай выступіла фальклорная група “Ветах”, у склад якой уваходзяць студэнты педагагічнага універсітэта імя М.Танка. Затым адбылася святочная трапеза. Продолжить чтение
Чытанні памяці Сяргея Паўловіча
28 верасня – адбыліся навукова-асветніцкія чытанні, прысвечаныя памяці педагога і перакладчыка Сяргея Паўловіча, якому 26 верасня 2010 г. споўнілася 135 гадоў нараджэння. Перад слухачамі выступілі протаіерэй Сергій Гардун, доктар філалогіі Іван Чарота, кандыдат філалагічных навук Арсен Ліс, кандыдаты гістарычных навук Лідзія Кулажанка і Галіна Астрога. Яны прадставілі Сяргея Паўловіча як аднаго з выдатных, але незаслужана забытых асобаў беларускага духоўнага асветніцтва – педагога, перакладчыка, царкоўна-асветнага дзеяча.
Прэзентацыя фільма «Князь Астрожскі і яго раць»
16 верасня – удзел брацтва ў прэзентацыі фільма Беларускага відэацэнтра “Князь Астрожскі і яго раць” (рэжысёр Юрый Цвяткоў). Фільм стаў водгукам на юбілейныя мерапрыемствы да 400-годдзя памяці князя, якія прайшлі ў 2008 годзе з актыўным удзелам Брацтва.
Памяць прп. Фёдара Астрожскага
24 жніўня – памяць прп. Фёдара Астрожскага. Літургію ў дамовай царкве дома “Кінанія” ўзначаліў епіскап Барысаўскі Веніямін у саслужэнні святароў Петра-Паўлаўскага сабора Мінска. Затым адбылася гутарка і святочная трапеза з удзелам братчыкаў, прыхаджан Петра-Паўлаўскага сабора і царквы Нараджэння Багародзіцы в. Тарасава Мінскага раёна.
