16 верасня – удзел брацтва ў прэзентацыі фільма Беларускага відэацэнтра “Князь Астрожскі і яго раць” (рэжысёр Юрый Цвяткоў). Фільм стаў водгукам на юбілейныя мерапрыемствы да 400-годдзя памяці князя, якія прайшлі ў 2008 годзе з актыўным удзелам Брацтва.
Навіны
Прэзентацыя фільма «Князь Астрожскі і яго раць»
Памяць прп. Фёдара Астрожскага
24 жніўня – памяць прп. Фёдара Астрожскага. Літургію ў дамовай царкве дома “Кінанія” ўзначаліў епіскап Барысаўскі Веніямін у саслужэнні святароў Петра-Паўлаўскага сабора Мінска. Затым адбылася гутарка і святочная трапеза з удзелам братчыкаў, прыхаджан Петра-Паўлаўскага сабора і царквы Нараджэння Багародзіцы в. Тарасава Мінскага раёна.
Паломніцтва ў Вільню
30-31 ліпеня – адбылася паломніцкая паездка братчыкаў, прыхаджан, прадстаўнікоў інтэлігенцыі ў Вільню. Паломнікі ўдзельнічалі ў богаслужэннях у Свята-Духавым манастыры, наведалі іншыя храмы горада. На Еўфрасіннеўскіх могілках была адслужана паніхіда ў памяць рэгента Свята-Духава манастыра, ганаровага братчыка Леаніда Мурашкі, які спачыў 9 сакавіка 2009 г. Затым адбылася сустрэча Брацтва з членамі Згуртавання беларускіх арганізацый у Літве, у час якой братчыкі пазнаёміліся з актывам Згуртавання і іх дзейнасцю.
Сустрэча айца Сергія з праваслаўнымі Амерыкі
25-27 чэрвеня 2010 года духаўнік Брацтва протаіерэй Сергій Гардун наведаў беларускія праваслаўныя прыходы ў Амерыцы: св. Кірыла Тураўскага ў Брукліне, св. Еўфрасінні Полацкай ў Саўт-Рыверы, Жыровіцкай іконы ў Гайленд-Парку. Адбыліся сустрэчы з прыхаджанамі і духавенствам гэтых прыходаў.
Сабор беларускіх святых
13 чэрвеня 2010 года ў доме “Кінанія” адбылося святкаванне, прысвечанае Сабору Беларускіх святых. У дамовай царкве ў гонар прападобнага Фёдара Астрожскага адбылася святочная літургія, здзейсненая настаяцелем іерэем Юрыем Залоскам.
Пасля літургіі і святочнай трапезы ўдзельнікі мерапрыемства заслухалі выступленне спадарыні Валянціны Трыгубовіч на тэму “Царкоўнае жыццё беларусаў у Амерыцы”. Затым адбыўся абмен думкамі аб неабходнасці ўмацавання сувязяў з беларускай праваслаўнай дыяспарай у далёкім і блізкім замежжы.
