Молитва перед иконой Божией Матери, именуемой Тихвинская

Благодарим тя, о Преблагая и пречистая, Преблагословенная Дево, Владычице, Мати Христа Бога нашего, о всех благодеяниях Твоих, яже показала еси роду человеческому, наипаче же нам, христоименитым людем Российскаго народа, о нихже ниже самый ангельский язык к похвалению довблен будет, якоже и ныне удивила еси неизреченную Свою милость на нас, недостойных рабех Твоих, преестественным самопришествием пречистыя Твоея иконы, еюже всю просветила еси Российскую страну: темже и мы, грешнии, со страхом и радостию покланяющеся, вопием Ти: о Пресвятая Дево, Царице и Богородице, спаси и помилуй Святейшаго Патриарха Московскаго и всея Руси (имярек), архиереи же и вся люди, и подаждь им победы на вся враги их, и сохрани вся грады и страны христианския, и сей святый храм от всякаго навета вражия избави, и всем вся на пользу даруй, ныне пришедшим с верою и молящимся рабом Твоим, и покланяющимся пресвятому образу Твоему: яко благословенна еси с Рождшимся от Тебе Сыном и Богом, ныне и присно и во веки веков. Аминь.

 

Распечатать Распечатать

Комментирование закрыто.