Молитва перед иконой Божией Матери, именуемой Леньковская («Спасительница утопающих»)

Заступница усердная, Мати Господа Вышняго! Ты еси всем христианом помощь и заступление, паче же в бедах сущим. Призри ныне с высоты святыя Твоея и на ны, с верою покланяющияся Пречистому образу Твоему, и яви, молим Тя, скорую помощь Твою по морю плавающым и от ветров бурных тяжкия скорби терпящим. Подвигни и вся православныя Христианы на спасение в водах утопающих, и воздаждь подвизающимся о сем богатыя милости и щедроты Твоя.

Се бо, на образ Твой взирающе, Тебе, яко милостивно сущей с нами, приносим смиренная моления наша. Не имамы бо ни иныя помощи, ни инаго предстательства, ни утешения, токмо Тебе, о Мати всех скорбящих и напаствуемых.

Ты по Бозе наша Надежда и Заступница, и на Тя уповающе, сами себе, и друг друга, и весь живот наш Тебе предаем во веки веков. Аминь.

 

Распечатать Распечатать

Комментирование закрыто.