Песнопения праздника Сретения Господня

Стихира на Господи воззвах, глас 1

Глаголи, Симеоне, Кого нося на руку в церкви радуешися? Кому зовеши и вопиеши: ныне свободихся, видех бо Спаса моего? Сей есть от Девы рождейся, Сей есть от Бога Бог Слово, воплотивыйся нас ради и спасый человека. Тому поклонимся.

Стихира на литии, глас 1

Ветхий деньми, Иже закон древле в Синаи дав Моисею, Днесь Младенец видит­ся, и по закону, яко закона Творец, закон исполняя, во храм приносится, и старцу дается. Прием же Сего Симеон праведный, и обещаний сбыте видев совершае­мое, радостно вопияше: видеша очи мои, еже от века таинство сокровенное, на­последок дний сих явльшееся, свет разоряя неверных языков омрачение, и славу дая новоизбранну Израилю. Темже отпуст раба Твоего от соуз сея плоти, к нестареемому и чудному нескончаемому животу, подая мирови велию милость.

Стихира на стиховне, глас 7

Украси твой чертог, Сионе, и подыми Царя Христа; целуй Марию Небесную Дверь, Та бо престол Херувимский явися; Та носит Царя Славы. Облак света есть Дева, носящи на руках Сына прежде денницы: Егоже при им Симеон на руки своя, проповеда людем, Владыку сего быти живота и смерти, и Спаса миру.

Тропарь, глас 1

Радуйся, Благодатная Богородице Дево, из Тебе бо возсия Солнце правды, Христос Бог наш, просвещаяй сущия во тьме. Веселися и ты, старче праведный, приемый во объятия Свободителя душ наших, дарующего нам Воскресение.

Кондак, глас 1

Утробу Девичу освятивый рождеством Твоим, и руце Симеоне благосповивый, якоже подобаше, предварив, и ныне спасл еси нас, Христе Боже: но умири во бранех жительство и укрепи люди, ихже возлюбил еси, Едине Чеповекопюбче.

Величание

Величаем Тя, Живодавче Христе, и чтим Пречистую Матерь Твою, Еюже по закону ныне принеслся еси в храм Господень.

Стихира на хвалитех, глас 4

Закон иже в писании исполняя Человеколюбец, в церковь ныне приносится, и Сего приемлет старыми руками Симеон старец, нены отпущаеши мя, вопия, ко оному блаженству: видех бо Тя днесь плотию мертвенною обложеннаго, жи­вотом господьствующа и смертию владычествующа.

Прокимен на литургии, глас 3

Вепичит душа Моя Господа, и возрадовася дух Мой о Бозе Спасе моем.

Задостойник

Богородице Дево, упование христианом, покрый, соблюди и спаси на Тя упо­вающих.
В законе сени и писаний образ видим вернии: всяк мужеский пол, ложесна разверзая, свят Богу. Тем Перворожденное Слово Отца Безначальна, Сына Первородящася Материю неискусомужно, величаем.

Распечатать Распечатать

Комментирование закрыто.