Песнопения праздника Благовещения

Стихира на Господи воззвах, глас 6

Совет превечный открывая Тебе, Отроковице, Гавриил предста, Тебе лоб­зая и вещая: радуйся, земле ненасеянная; радуйся, купино неопалимая; радуй­ся глубино неудобозримая; радуйся, мосте, к небесем приводяй, и лествице высокая, юже Иаков виде; радуйся, божественная стамно манны; радуйся, раз­решение клятвы; радуйся, Адамово воззвание, с Тобою Господь.

Стихира на литии, глас 1

В шестый месяц Архистратиг послан бысть к Тебе Деве и чистей, возвестити Тебе слово спасения, вкупе же и звати Тебе: радуйся, обрадованная, Гос­подь с Тобою. Родиши Сына Превечнаго из Отца, и спасет люди Своя от грех их.

Стихира ид стиховне, глас 4

В шестый месяц послан бысть Архангел к Деве чистей, и радоватися Ей прирек, благовести из Нея Избавителю пройти. Темже приимши целование, за­чат Тя Превечнаго Бога, несказанно благоволившаго вочеловечитися, во спасе­ние душ наших.

Тропарь, глас 4

Днесь спасения нашего главизна, и еже от века таинства явление: Сын Божий, Сын Девы бывает, и Гавриил благодать бпаговествует. Темже и мы с ним Богородице возопиим: радуйся, Благодатная, Господь с Тобою.

Кондак, глас 8

Взбранной Воеводе победительная, яко избавльшеся от злых, благодарствен­ная восписуем Ти раби Твои, Богородице; но яко имущая державу непобеди­мую, от всяких нас бед свободи да зовем Ти: радуйся, Невесто Неневестная.

Величание

Архангельский глас вопием Ти, Чистая: радуйся, Благодатная, Господь с То­бою.

Стихира на хвалитех, глас 1

С небесных кругов слетев Гавриил в Назарет, прииде к Деве Марии, вопия Ей: радуйся, зачнеши Сына, Адама древнейшаго, Творца веков и Избавителя вопиющих к Тебе: радуйся, Чистая.

Прокимен нд литургии, глас 4

Благовестите день от дне спасение Бога нашею.

Задостойник

Бпаговествуй, земле, радость велию, хвалите, небеса, Божию славу.
Яко одушевленному Божию кивоту, да никакоже коснется рука скверных. Устне же верных Богородице немолчно глас Ангела воспевающе, с радостию да вопиют: радуйся, Благодатная, Господь с Тобою.

Причастен

Избра Господь Сиона, и изволи его в жилище Себе.

Распечатать Распечатать

Комментирование закрыто.