Песнопения праздника Вознесения Господня

Стихира на Господи воззвах, глас 6

Господь вознесеся на небеса, да поспет Утешителя миру: небеса уготоваша престол Его, облацы восхождение Его. Ангелы дивятся, Человека зряще превы­ше себе. Отец ждет, Егоже в недрах имать соприсносущна; Дух же Святый ве­лит всем ангелом Его: возмите врата князи ваша. Вси языцы восплещите рука­ми, яко взыде Христос, идеже бе первее.

Стихира на литии, глас 1

Возшед на небеса, отонудуже и сошел еси, не остави нас сирых, Господи: да приидет Твой Дух, нося мир мирови, покажи сыном человеческим дела силы Твоея, Господи Человеколюбче.

Стихира на стиховне, глас 2

Родился еси, яко Сам восхотел еси, явился еси, яко Сам изволил еси; пост­радал еси плотию, Боже наш, из мертвых воскресл еси, поправ смерть, вознес-пся еси во славе, всяческая исполняяй, и поспал еси нам Духа Божественнаго, еже воспевати и славити Твое Божество.

Тропарь, глас 4

Вознеслся еси во славе, Христе Боже наш, радость сотворивый учеником обетованием Святаго Духа, извещенным им бывшим благословением, яко Ты еси Сын Божий, Избавитель мира.

Кондак, глас 6

Еже о нас исполнив смотрение, и яже на земли соединив небесным, воз­неслся еси во славе, Христе Боже наш, никакоже отлучаяся, но пребывая неот­ступный, и вопия любящим Тя: Аз есмь с вами, и никтоже на вы.

Величание

Величаем Тя, Живодавче Христе и почитаем еже на небеса с пречистою Твоею плотию Божественное вознесение.

Прокимен, глас 4

Взыде Бог в воскликновении, Господь во гласе трубне.

Стихира на хвалитех, глас 1

Ангельски иже в мире торжествуим, на престоле славы Богу носимому, взывающи пение: Свят еси, Отче небесный, Соприсносущный Слове, Свят еси и Душе Святый.

Прокимен на литургии, глас 7

Вознесися на небеса, Боже, и по всей земле слава Твоя.

Задостойник

Величай, душе моя, вознесшагося от земли на небо Христа Жизнодавца. Тя паче ума и словесе Матерь Божию, в лето Безлетнаго неизреченно рождшую, вернии единомудренно величаем.

Причастен

Взыде Бог в воскликновении, Господь во гласе трубне.

Распечатать Распечатать

Комментирование закрыто.