Песнопения праздника святых первоверховных апостолов Петра и Павла

Стихира на Господи воззвах, глас 2

Киими похвальными венцы увязем Петра и Павла, разделеныя телесы, и совокупленыя духом, богопроповедников первостоятели? Оваго убо, яко апос­толов предначальника; оваго же, яко паче инех трудившася. Сих бо воистинну достойно безсмертныя славы венцы венчает Христос Бог наш, имеяй велию милость.

Стихира на литии, глас 2

Грядите собори днесь верных, благохвальное и красное собрание, благодати избранныя хитрецы, Петра и Павла, подобными хвалами венчаем, яко незави­стно всем слово всеявше, с сими и благодать Духа обогатиша, и истиннаго ви­нограда суще лозие, грозд зрел нам возделаша, веселящ сердца наша. К нимже откровенным лицем, и чистою совестию возопием, глаголюще: радуйтеся, разо­рители безсловесных, и служителие словесных. Радуйтеся, всех Творца и Стро­ителя, избрания красная; радуйтеся, ходатаи благих, и отгонителие лестных, ихже ца умолим, мопитися присно, к Зиждителю и Учителю, мир крепкостоятелен миру царовати, и душам нашим велию милость.

Стихира на стиховне, глас 1

Яже по вся грады узы и скорби твоя, кто скажет, славне Апостоле Павле? Труды, болезни и бдения, яже во алчбе и жажде злострастия, яже в зиме и наготе, кошницу и жезпобиения, каменометания, и обхождения, глубины истопления: позор бысть ангелов и человеков. Вся убо претерпел еси, о укрепляющем тя Христе: да мир приобрящеши о Христе Иисусе Господе твоем. Темже молим тя, творящий память твою верно, непрестанно моли спастися душам нашим.

Тропарь, глас 4

Апостолов Первопрестольницы, и всепенныя учителие, Владыку всех моли­те, мир вселенней даровати, и душам нашим велию милость.

Кондак, глас 2

Твердыя и боговещанныя проповедатели, верх апостолов Твоих, Господи, при­ял еси в наслаждение благих Твоих и покой: болезни бо онех и смерть приял еси, паче всякаго всеплодия, Едине сведый сердечная.

Величание

Величаем вас, апостоли Христовы, весь мир ученьми своими просветившия, и вся концы ко Христу приведшия.

Прокимен, глас 4

Во всю землю изыде вещание их, и в концы вселенныя глаголы их.

Стихира на хвалитех, глас 4

С небесе благодать прием, егда вопрошение учеником Спас дванадесяточисленным рече апостолом: Кого Мя глаголют человецы быти? Тогда убо луч­ший апостолов Петр, богословствуя отвеща, ясно возопив: Ты еси Христос, живаго Бога Сын. Темже достойно ублажается, яко свыше прием откровение, вязати же и решити праведно прием.

Распечатать Распечатать

Комментирование закрыто.