Песнопения праздника Преображения Господня

Стихира на Господи воззвах, глас 4

Прежде Креста Твоего, Господи, гора небеси подобящися, и облак яко сень протязашеся, Тебе преобразующуся, от Отца же свидетельствуемому, тамо бе Петр со Иаковом, и Иоанном, яко хотяху быти с Тобою, и во время предания Твоего: да видевше чудеса Твоя, не устрашатся страданий Твоих, имже покло­нится нам в мире сподоби, великия ради Твоея милости.

Стихира на литии, глас 2

Иже светом Твоим всю вселенную осветив, на горе высоце преобразился еси, Блаже, показав учеником Твоим силу Твою, яко мир избавлявши от пре­ступления. Темже вопием Ти: Милосерде Господи, спаси души наша.

Стихира на стиховне, глас 1

Иже древле с Моисеом гпаголавый на юре Синайстей образы, Аз есмь, гла­голя, Сый, днесь на горе Фаворстей преображься пред ученики, показа начало-образную доброту зрака, в Себе восприим человеческое существо. И таковыя благодати свидетели поставль, Моисея и Илию, общники творяще веселия, провозвещающия славное Креста ради и спасительное Воскресение.

Тропарь, глас 7

Преобразился еси на горе, Христе Боже, показавый учеником Твоим славу Твою, якоже можаху: да возсияет и нам грешным свет Твой присносущный, молитвами Богородицы, Светодавче, слава Тебе.

Кондак, глас 7

На горе преобразился еси, и якоже вмещаху ученицы Твои, славу Твою, Христе Боже, видеша: да егда Тя узрят распинаема, страдание убо уразумеют вольное, мирови же проповедят: яко Ты еси воистинну Отчее сияние.

Величание

Величаем Тя, Живодавче Христе, и почитаем пречистыя плоти Твоея преславное преображение.

Стихира, глас 5

Божества Твоего, Спасе, малу зарю обнажив, совозшедшим с Тобою на юру, премирныя Твоея славы сотворил еси рачители. Темже ужасно зовяху: добро есть нам зде быти. С нимиже и мы Тебе, преображшагося Спаса Христа, поем во веки.

Стихира на хвалитех, глас 4

Прежде честнаю Креста Твоего и страдания, поим ихже проразсудил еси, от священных ученик, на Фаворскую, Владыко, возшел еси юру, показати вос­хотев сим славу Твою, иже и видевше Тя преобразившася, и паче солнца просиявша, ницы падше, силе Твоей удивишася, взывающе: Ты безлетен свет еси, Христе, и сияние Отчее, аще и волею плоть явился еси, неизменне.

Задостойник

Величай, душе моя, на Фаворе преобразившеюся Господа. Рождество твое нетленно явися: Бог из боку Твоею пройде, яко плотоносец явися на земли, и с человеки поживе; Тя, Богородице, тем вси величаем.
Распечатать Распечатать

Комментирование закрыто.