Песнопения праздника Воздвижения Креста Господня

Стихира на Господи воззвах, глас 6

Крест воздвизаемь, на нем вознесеннаго страсть пречистую пети повелева­ет твари всей: на том бо убив нас убившаго, умерщвленныя оживил есть, и удобри и на небесех жити сподоби яко милосерд, премножеством благости. Тем радующеся, вознесем имя Его, и Того возвеличим крайнее снизхождение.

Прокимен великий, глас 7

Бог наш на небеси и на земли, вся елика восхоте сотвори.

Стихира на литии, глас 1

Днесь яко воистинну святовещанный глагол Давидов конец прият: се бо яве пречистых ног Твоих покланяемся подножию, и на сень крипу Твоею надеющеся, Всещедрый, вопием Ти: да знаменается на нас свет лица Твоего. Право­славных людей Твоих рог вознеси Честнаго Креста Твоего воздвижением, Хри­сте Многомилостиве.

Стихира на стиховне, глас 5

Радуйся, Живоносный Кресте, благочестия непобедимая победа, дверь рай­ская, верных утверждение, Церкве ограждение, имже тля разорися и упразднися и попрася смертная держава, и вознесохомся от земли к небесным; оружие непобедимое, бесов сопротивоборче, спаво мучеников, преподобных яко воистинну удобрение, пристанище спасения, даруяй миру велию милость.

Тропарь, глас 1

Спаси, Господи, люди Твоя, и благослови достояние Твое, победы право­славным христианом на сопротивныя даруя, и Твое сохраняя Крестом Твоим жительство.

Кондак, глас 4

Вознесыйся на Крест волею, тезоименитому Твоему новому жительству щед­роты Твоя даруй, Христе Боже, возвесели силою Твоею православных христи­ан, победы дая им на сопостаты, пособие имущим Твое, оружие мира, непобе­димую победу.

Величание

Величаем Тя, Живодавче Христе, и чтим Крест Твой Святый, имже нас спасл еси от работы вражия.

Стихиры на хвалитех, глас 8

О, преславнаго чудесе! Живоносный сад, Крест Пресвятый, на высоту возносимь является днесь; славословят вси концы земнии, устрашаются демонския полки. О, каковый дар земным даровася, имже, Христе, спаси души наша, яко един Благоутробен.
На поклонение Кресту Кресту твоему покланяемся, Владыко, и святое воскресение Твое славим.

Задостойник

Величай, душе моя, Пречестный Крест Господень.
Тайн еси Богородице рай, невозделанно ворастивший Христа, Имже крест­ное живоносное на земли насадися древо, тем ныне возносиму, покланяющеся Ему, Тя величаем.

Распечатать Распечатать

Комментирование закрыто.