Песнопения праздника Покрова

Стихира на Господи воззвах, глас 1
 
О великое заступление печальным еси, Богородице Чистая, скорая помощ­нице, спасение мира и утверждение, милости пучина, Божия мудрости источниче, миру покров, воспоем вернии, светлый омофор Ея хваляще неизреченно: обрадованная радуйся, с Тобою Господь, подаяй миру Тобою велию милость.
 
Стихира на литии, глас 3

Наста днесь пресветлый праздник, Пречистая Дево, честнаго Твоего покро­ва, паче солнца освещавши люди, верою от чиста сердца Тебе, истинную Ма­терь Божию, исповедающия, и Сыну Твоему вопиющия: Христе Боже, молитва­ми Приснодевы, чисто и без нетления рождшия Тя, не предаждь врагом ратующим Твое достояние, но яко Милостив спаси в мире души наша.

Стихиры на стиховне, глас 2
 
Яко всех вышши сущи небесных и земных Херувим славнейши, и всея тва­ри честнейши, Тебе Заступницу и Покров державен христианскому роду Хрис­тос дарова, покрывати и спасати люди согрешшия, к Тебе притекающия. Темже прибежище всем, Тебе воспеваем, Владычице, и честный праздник Твоего по­крова празднуем светло, Христа моляще даровати нам велию милость.
 
Тропарь, глас 4
 
Днесь благовернии людие светло празднуем, осеняеми Твоим, Богомати, при­шествием, и к Твоему взирающе Пречистому образу, умильно глаголем: покрый нас честным Твоим покровом, и избави нас от всякаго зла, молящи Сына Тво­его Христа Бога нашего спасти души наша.
 
Кондак, глас 3
 
Дева днесь предстоит в церкви, и с пики святых невидимо за ны молится Богу: ангели со архиереи покланяются, апостоли же со пророки ликовствуют: нас бо ради молит Богородица Превечнаго Бога.
 
Величание
 
Величаем Тя, Пресвятая Дево, и чтим покров Твой честный: Тя бо виде святый Андрей на воздусе, за мир Христу молящуюся.

Прокимен, глас 4
 
Помяну имя Твое во всяком роде и роде.
 
По 50-м псалме стихира, глас 8
 
Срадуются с нами умная вся чиноначалия, духовно совокупльше чувственный пик, видяще Царицу и Владычицу всех, многоименне верными спавиму; радуются же и дуси праведных, сущий зритепие видения, на воздусе молебно простирающу всечестнеи Свои руце, просящу умирения миру, и спасения душ наших.
 
Стихира на хвалитех, глас 8
 
Тебе припадаем, Госпоже, умильно кланяющеся молим Тя: радуйся, Богоблаженная владычице многоименитая Дево, пророки преображенная честно: в Тя бо яко роса Христос Бог спиде, и родила еси Браконеискусная Чистая, и на руку носила еси всех Творца и Господа. Ему же ныне о нас молися славящих верно Твоего покрова праздник.

Распечатать Распечатать

Комментирование закрыто.