Хоры

З аднаўленнем прыхода ўзнікла неабходнасць забеспячэння бога­слу­жэн­­няў царкоўнымі харамі. Ужо пер­шыя нядзельныя і святочныя богаслужэнні мелі ўрачыстае гучанне дзякуючы самаадданай пра­цы рэгентаў Елены Кулінковіч і Ла­­рысы Густовай. Пазней дасканаласць гучання песнаспеваў узрастала дзякуючы прафесіяналізму хору пад кіраўніцтвам рэгента Ірыны Дзянісавай (цяпер насельнiца мін­скага Свята-Елісавецінскага манастыра). У цяперашні час святочныя і будзённыя богаслужэнні забяспеч­ваюць тры змешаныя хоры і адзін мужчынскі. Па нядзельных днях Бажэственная літургія здзяйсняецца пры малітоўным удзеле і спевах усіх вернікаў.

Архив раздела “Хоры” (неактуальная информация)

Маладзёжны хор

Маладзёжны хорМаладзёжны хор створаны ў 1997 г. выпускніцай рэгенцкага аддзялен­ня пры Санкт-Пецярбургскай ду­хоў­­най семінарыі Наталляй Лог­вінавай. У хоры аб’ядналіся сту­дэнты і вы­пускнікі сярэдніх і вышэйшых му­зычных навучальных устаноў г. Мінска, якія старанна вывучалі асаблівасці богаслужэбнага спеву. З 2002 г. на працягу пяці гадоў Мала­дзёжны хор узначальвала Наталля Мя­дзведзь, выпускніца рэ­ген­цкага ад­дзялення пры Санкт-Пе­цярбургскай духоўнай семінарыі. За гэты час хор узбагаціў свой рэпертуар новымі распевамі і аў­тарскімі творамі. З 2008 г. Маладзёжны хор узначаліў Раман Шурпакоў, вы­пу­скнік Мін­скай духоўнай семінарыі. Продолжить чтение

Брацкі хор

Брацкі хор Хор Брацтва ў гонар Віленскіх мучанікаў пачаў стварацца, фактычна, разам са стварэннем аргкамітэту Брацтва восенню 1991 года. Спачатку спявалі разам калядныя песні і беларускі рэлігійны гімн “Магутны Божа”. Потым па ініцыятыве братчыкаў аматары рэлігійных спеваў Брацтва (Міхась Арэшкаў, Анатоль Астапенка, Таццяна Матрунчык, Лідзія Кулажанка, Алена Анціпенка і іншыя) пасля нядзельнай літургіі пачалі развучваць беларускія рэлігійныя спевы і песнапенні праваслаўнага богаслужэння. Продолжить чтение

Мужчынскі хор

Мужчынскі хорМужчынскі хор пад кіраўніцтвам рэгента Наталлі Логвінавай упершыню прыняў удзел у богаслужэнні на свята Стрэчання Гасподняга 2008 г. У першы склад хору ўвайшлі свя­шчэнна- і царкоўнаслужыцелі сабора. Праз некаторы час склаўся паста­ян­ны склад з пеўчых, якія маюць вышэйшую музычную адукацыю і вопыт спеваў у царкоўных хорах. Колькасны і якасны склад калектыву дазваляе дасягнуць малітоў­насці, мяккага і роўнага гучання, гарманічнага ансамбля.

Змешаны хор

Змешаны хор пад кіраўніцтвам выпускніцы Беларускай дзяржаў­­най акадэміі музыкі Людмілы Куца­лай удзельнічае ў богаслужэннях з 2008 г. Дэбют адбыўся на прастольнае свята ў гонар святых першавярхоўных апосталаў Пятра і Паўла. Калектыў складаюць прафесійныя музыканты, якія маюць навыкі і вопыт харавых спеваў, у тым ліку — царкоўных. Аснова рэпертуару — абыходныя песнапенні: гарманізацыі знаменнага, кіеўскага, грэчаскага распеваў, творы рускіх кампазітараў. Рэгент нясе паслушанне па кіраўніцтву дзіцячым хорам нядзельнай школы Петра-Паўлаўскага сабора.

 

Багагласнік

Выконвае брацкі хор Свята-Петра-Паўлаўскага сабора г. Мінска (дыск у фармаце mp3 «Пачуй, Божа, малітву маю!»).

Продолжить чтение

1 2