Хоры

Маладзёжны хор створаны ў 1997 г. выпускніцай рэгенцкага аддзялен­ня пры Санкт-Пецярбургскай ду­хоў­­най семінарыі Наталляй Лог­вінавай. У хоры аб’ядналіся сту­дэнты і вы­пускнікі сярэдніх і вышэйшых му­зычных навучальных устаноў г. Мінска, якія старанна вывучалі асаблівасці богаслужэбнага спеву. З 2002 г. на працягу пяці гадоў Мала­дзёжны хор узначальвала Наталля Мя­дзведзь, выпускніца рэ­ген­цкага ад­дзялення пры Санкт-Пе­цярбургскай духоўнай семінарыі. За гэты час хор узбагаціў свой рэпертуар новымі распевамі і аў­тарскімі творамі. З 2008 г. Маладзёжны хор узначаліў Раман Шурпакоў, вы­пу­скнік Мін­скай духоўнай семінарыі. Продолжить чтение →

Мужчынскі хор пад кіраўніцтвам рэгента Наталлі Логвінавай упершыню прыняў удзел у богаслужэнні на свята Стрэчання Гасподняга 2008 г. У першы склад хору ўвайшлі свя­шчэнна- і царкоўнаслужыцелі сабора. Праз некаторы час склаўся паста­ян­ны склад з пеўчых, якія маюць вышэйшую музычную адукацыю і вопыт спеваў у царкоўных хорах. Колькасны і якасны склад калектыву дазваляе дасягнуць малітоў­насці, мяккага і роўнага гучання, гарманічнага ансамбля.

Змешаны хор пад кіраўніцтвам выпускніцы Беларускай дзяржаў­­най акадэміі музыкі Людмілы Куца­лай удзельнічае ў богаслужэннях з 2008 г. Дэбют адбыўся на прастольнае свята ў гонар святых першавярхоўных апосталаў Пятра і Паўла. Калектыў складаюць прафесійныя музыканты, якія маюць навыкі і вопыт харавых спеваў, у тым ліку — царкоўных. Аснова рэпертуару — абыходныя песнапенні: гарманізацыі знаменнага, кіеўскага, грэчаскага распеваў, творы рускіх кампазітараў. Рэгент нясе паслушанне па кіраўніцтву дзіцячым хорам нядзельнай школы Петра-Паўлаўскага сабора.